Acceso usuarios
Xavier Labandeira Villot
Hai poucos meses tivo lugar a COP-22 en Marrakech, un cumio certamente menos importante ca o precedente pero no que comezou o complexo proceso de desenvolvemento de moitas das esencialmente declaracións de intencións do Acordo de París. Só avanzando neste proceso será posible avaliar de forma realista o acadado na COP-21 de París e dos pasos que cumpriría dar para chegar aos obxectivos desexados. Por iso, neste breve comentario vou fuxir da miña opinión do Acordo de París, xa dispoñible por exemplo na recente edición de maio de Setestrelo (Consello da Cultura Galega), para centrarme no longo camiño e moitos desafíos que quedan por diante.
