Acceso usuarios
Artikulu honen helburua 1841eko Abuztuak 16ko Foruak aldatzeko Legeari («Ley Paccionada») buruz dauzkagun datuak berrikuskatzea da, aurtengoan 150 urte bete bait dira data hartatik. Nafarroaren kasuan berebiziko garrantzia izan duen Lege horri buruzko interpretazio eta balorazioek nafarrak eta nafar errealitatean dihardutenak zatitu dituzte maizetan eta egoera honek sortu du Nafarroako egungo historiak ezagutu duen eztabaidarik garrantzizkoenetakoa. Daukagun bibliografian zeharreko ibilbide bat proposatzen dugu hasiera gisa, puntu eztabaidagarrienak, adostasunik eskaintzen ez dutenak, nabarmenduz. Interpretazio desberdinak aurkezten dira, ondoren, legea onartzeko prozesuari eta garai hartako doktrina paktuzaleei buruzko oharrekin batean. Honenbestean, gertatu zena ezagutzeko dauzkagun datuak eta horiei buruzko interpretazioak batera erabiliz, burubide zehatz batzutara (berriak zenbaitetan) iristeko aukera izan dugu.
