Acceso usuarios
1968. urtean, Lizarra, Gasteiz eta Bergara arteko Vasco-Navarro trenbidea ezabatu egin zenean, ia mende bateko historia, eta istorioa ere, itxi ziren. Trenbide honen eraikuntza oso neketsua izan zen, jatorrizko proiektua, 1882an aukeztua, ez baitzen burutu 1929. urte arte, Lizarra eta Gasteiz arteko adarra eraiki zenean (Gasteiz eta Bergarako Mekolalde hauzoa artekoa hamar urte lehenago bukatu egin zen, 1919an hain zuzen ere). Baina bere ezabapena ere nahikoa korapilatsua izan zen, Estatuak emandako agindua (trenbidea ez omen zen errentagarria, ekonomi aldetik behintzat) Arabako, Gipuzkoako eta Nafarroako Foru Aldundiek oso erraz bete zuten, errezegi agian.
